朋友圈裡的街頭哲學

我上一篇文章，寫到一塊玻璃分隔了不同的世界，隨之而來的是一場朋友圈裡的即興對答。言者無心，聽者有意，短短幾句來回，卻精準拼湊出這座城市最荒誕的現實。

​有朋友率先感嘆,當地每年投咁多錢、起咁多庇護所，但班街頭流浪同成癮者根本唔領情，聽聞空置率高達七成，仲慘過揼啲錢落鹹水海。

​另外一位老友建議，說不如大家多走出來出一分力，見到垃圾就隨手清理，當做做好事。這份善良雖然美好，但在積重難返的現實面前，顯得格外單薄。另一位朋友忍不住笑,呢啲咪叫凡事看表面好了，請勿深究.

​我接過話頭回了一句,資源投落去但解唔到根源。幾十年來都係得個桔，一日機制唔改，永遠都解決唔到問題，所以清晨見到嗰幕，特別令人唏噓。

​對話沒有停在這裡。友人接著感嘆，若要從根源上改變，恐怕不能再任由毫無底線的放任，否則只會演變成今日的社會現象。

​這句話正好點中了問題的死穴，我忍不住打了長長的一段結尾,

​法律綁死執法，就算有心出手都冇辦法改變。庇護所有規矩冇人想去，加上背後龐大嘅撥款利益鏈，佢哋嘅理念就係,有錢我哋搵，有鑊你哋咩。根本冇人想真正根治。如果係掂嘅，由四十年前到依家咁漫長嘅歲月，能夠改變一早就改變咗。

​這段朋友間的隨興對答，沒有高深的理論，也沒有冠冕堂皇的口號，卻道盡了海外小市民最真實的無奈。當慈悲淪為產業，放任被包裝成自由，清晨街頭的唏噓，恐怕還要在這片土地上年復一年地演繹下去。