無奈又收養多隻貓

前陣子發現一隻新貓係屋苑出現，牠很細膽，一見到人走跑到離千丈遠，就算黎我家門前食野都怕，所以一直也跟著大橘生活，有幾次發現牠靜雞雞咁入前園探究，但一見到我哋就跳出街。我哋在近距離見到佢，好明顯係家貓，不知是走失定棄養， 好像不太懂流浪，所以老公好有耐性地每日慢慢令佢行近，當我摸牠時，好明顯係有人照顧過，毛鬆軟的。前幾天老公一邊用貓逗棒引佢一邊行，牠像小朋友般邊行邊玩，又會滾地要我摸，最終前晚都係收養咗， 一隻得美的長毛麒麟尾橘貓女。