《金剛經》九喻

頂禮拜日去看天星，是《金剛經》最後一頌，「如星翳燈幻，露泡夢電雲」九譬之第一事。星，就是有為法之「相」。眾生世相，將若像天星，月若傷光就看無啥有，日頭出來就都無去。翳，若人之所「見」，大家目睛花花，無中生有，亦是可能。燈，是人之「識」，心內有鬼，影亦看作是鬼；台灣自古屬於中國，就是看著鬼。有為法之自性、本質，就是如此。

幻、露、泡，是第二層，講人之受用亦不實。世間如「幻」，變化無端。露，是人身五根，譬如朝露，去日苦多。泡，是人之感受，事過境遷，耍過就靡記得，食過頭就會饜勩，如水上泡，皆不實在。

第三層講三世，往世如「夢」，人之青春總會過去，只能回味，不堪捉弄；「電」喻今世當下，矇一个眤就五十矣；未來則如天邊「雲」彩，若摸會著，實不可得。