《D45: 決定投資成敗最關鍵要素》

《D45: 決定投資成敗最關鍵要素》

思考智庫 日誌：2026/10/13-2

上文提到無償付出的最大受益者竟然係自己，現在加以說明當中的分別和抒寫的主要原因。

最大的回報係咩？係我自己。

喺投資邏輯上亦係一樣。喺未遇上 TQQQ 之前，我自己就像隻無頭烏蠅咁，東買少少、西買少少，從來冇細心研究過一隻股票。投資標的雖然多，但大部分都係打緊「無把握之仗」。

但自我重遇 TQQQ，並不斷從各項數據證實佢係超優質嘅投資標的之後，我就像一個浪子回頭嘅壞男人，終於知道自己「情歸何處」，便開始修心養性，以「金字塔投資策略」去打有把握嘅仗——TQQQ。

咩係『金字塔投資策略』？

金字塔投資策略，係 D45 認為到目前為止，可以喺 TQQQ 身上獲利嘅最有效方法。D45 金字塔策略嘅核心，係「金字塔式遞增注碼」，層數多寡、疏密完全由操作者自己決定。佢嘅目的係將平均價拉低，易於獲利。相比起個股容易因為消息面一面倒（好壞分明）而出現單邊走向，TQQQ 作為納指三倍槓桿類型 ETF，每時每刻都在反映不同成分股嘅利好利淡角力，即便是最平淡嘅牛皮行情，亦有充足嘅波動套利空間。只要精準捕捉反彈節奏、分段沽出、靈活調倉，絕大多數情況都可…比任何人多,充份了解其屬性,亦同時知道其對手是如此不知所謂,江河日下,要靠不斷的合股才能保命的秘密之後.

基於自己並非科班出身,我知道要他人信服皆要言之有物，我寫每篇文章之前必先再三溜覽有關數據才開始下筆,而所寫的論據又往往是網友們很少在主流傳媒看過的,其主要論調不僅離經叛道,更每每意想不到,自然引起各方人士關注.討論。而透過不住回答網友不同問題,得回來的是無論面對任何問題皆可鬆容面對,揮灑自如.彷彿刀槍不入的神秘底氣貫穿全身,一種處於不同境況也覺形勢比人強的超凡心理質素——一種即使失手不幸「坐艇」，信心亦絲毫未損嘅底氣同霸氣，信心甚至比贏家更強！說著一些只能喺底氣十足之下才敢開口講嘅說話，例如：『我雖然坐艇，亦坐得比別人快樂。』

我之所以「牙擦」成咁，係因為我從唔會用呢種方式去「拋浪頭」（吹牛），而係對投資標的落過苦功，瞭解其屬性同能力之後作出嘅「神預測」，而且屢屢被證實，絕非「狼來了」！

為了進一步解釋 D45 並唔係信口開河之輩，我亦順便提及呢句帶點高傲、略為「吋嘴」嘅話嘅來龍去脈。呢度係我在 2026 年 9 月尾寫嘅一篇文章題目，當時我還滿手 TSLL 蟹貨，有數千股 TSLL 喺度坐緊艇，價值不菲。換作係其他投資者，肯定「震過貓王」，自知投資結果咁糟糕，大都會低調處理，然後靜候股價到位靜雞雞賣咗算數，再劏雞還神答謝神恩。邊度還有人敢講得咁大口：『我雖然坐艇，亦坐得比別人快樂。』？

我敢講，係因為今天嘅我已非從前嘅我。從前嘅我係匹夫一名，面對重大虧蝕風險，一樣會好似前述咁震過貓王、偷偷賣咗算數；邊會有人好似我咁大膽寫得咁牙擦？如今回想亦確實誇張咗少少，但事實上喺寫嗰一刻，我確實係充滿信心。因為今天嘅我已非昔日嘅我，如今我做任何決定都有一個既定目標，唔會再好似昔日咁得過且過。而為了表示對工作嘅認真，我更加不惜用返以前喺職場時慣用嘅方法——自製壓力去達成目標。因為壓力對我嚟講係必然要面對嘅，很多時人在江湖，就算想逃避都逃唔掉；反之，如果你唔懼怕壓力，還懂得運用佢、將佢變成動力，反而能為自己加添能量。

返回講嗰句話嘅現場，當時我手握 4,829 股 TSLL，平均價為 9.45，但股價跌穿落到 9.1 以下，出現帳面虧損。但因為我投資前做過大量資料蒐集，所以才下較大注碼；又因為我熟悉呢隻股嘅走勢，相信佢嘅彈力絕不止於去到 9.45 就停步。如果佢一舉穿破 9.45 會點？呢個就係我嘅世界了！我當時咁寫：

『以買入價 9.45 USD、持股數 4,829 股計算，總成本為 45,634.05 USD（摺合港幣約 358,227 元）。我以此為基礎，若我呢一刻開始一股唔放，股價一旦超越 9.45 USD，股價每升 0.01，我將獲得 48.29 USD 嘅利潤。』

結果係點？當然係水到渠成！我亦因此刷新咗自己嘅毛利記錄，我最新嘅單日毛利記錄 HKD $28,591 就算係咁樣得返嚟！

我在呢度重提，主要目的並唔係想話畀你聽我點威點威，而是想透過老虎賜給我的呢片樂土，去寫一些喺其他投資網站睇唔到嘅嘢。呢啲說話聽落似閒話家常、從不刻意說教，但卻係舉足輕重，就係投資最重要嘅一環：心理質素。若果冇好的心理質素，我永遠只會停留在「劏雞還神」嘅層次，永遠突破唔到自己嘅記錄。心理質素決定成敗，股神「貪婪與恐懼」嘅經典比喻亦源於此。管理得好嘅就係贏家；管理唔好嘅，就必定係輸家。

那麼，你大概會問我：你做咩要寫出來？你好好得閒咩？你寫出來老虎畀幾多稿費你呀？

你問嘅理由好簡單、好直接，我嘅解釋你哋可能都聽過，但我再加添一些個人意見，令文章更加立體。我經常說，寫作係我嘅第二生命。當我寫作到忘我境界時，就是許多創作人都渴望擁有嘅「神來之筆」進場嘅時候。喺呢個時候，很多不凡嘅點子就會自然走出來，而呢啲文章喺我事後重睇，自己都覺得感歎。

但第二生命嘅延續，仲要搵到一些值得寫嘅題材。遺憾係，當初老虎社區叫我加入時，我都搵唔到題材。喺我不知所措之際，竟然畀我遇見生命中最重要嘅「人」——我將佢加個括號，係因為佢根本唔係人，而係一隻喺網上搜尋會獲得百分百負評嘅「納指三倍槓桿類型 ETF」(TQQQ)。當 D45 發現外間對佢嘅指控全源於誤解時，嗰種莫名的怒火就湧咗上嚟，因為我由細到大，到呢一刻都成日被人誤解。

我替TQQQ辯護,彷彿在替自己辯護,只不過是證券版;現在塑憑老虎社區賜給我隻片樂土,正正式式告訴大家知道前因後果,正因為要替自己（TQQQ）辯護,我不惜盡覽所有以往有關的數據,撰寫一篇又一篇離經叛道與主流差不多完全相反的文章,老虎社區亦由最初的感到猶疑沒第一時間推文至後期通知我文章溜覽量甚高,連冷飯菜汁（指舊作)也唔放過,對於反應如斯好,我確實是意想不到的,亦由於自己將全副心力於TQQQ,經過不斷交流與反思,不自覺地將已將自己的底氣 ,漸漸發現,人毋須無恥,亦可以無敵,

人若對自己心理質素充分掌握,對自己的投資標的充分了解,你便不會視風浪是偶然而來而做錯事,將一些唔應該放的優質標的作恐慌性拋售,而是你會像黑天鵝作者 納西姆·塔雷伯（Nassim Nicholas Taleb）視風浪或黑天鵝是必定會來的,亦又於他對已往對歷史的高度瞭解,在黑天鵝來臨時,其他人皆感到不知所措.震過貓王時依然氣定神閒.處變不驚.更從自己早己設定狠狠地賺上鉅款在廿八歲之年已成為富翁.他之所以成功,完全是他的心理質素有關,而我之所以自我感覺良,好,亦因為靠替偶像辯護,透過分享.交流中打好底子,令我在風浪來臨時不再六神無主,震過貓王,反而在別人恐懼時趁低吸納一些優質標的,使我在一個全新賽道又再可以『快人一步.理想達到』 ,這些都是分享得回來的,今天我之可以處變不驚,亦因為從以往不住的無償付出而來.

所以每當有人對我頻頻寫作感到奇怪.甚至懷疑時,我總是笑而不語,正是『別人笑我太瘋癲,我笑別人看不穿!』 大家層次唔同,我都冇你咁好氣了