siu-kái POJ

pit-ōe qah zió:｜chh → c｜ch → z｜kh → q｜ng → ŋ｜~k → ~c｜

qah qoài jīn:｜I~ → Y~｜o͘ → oo｜

== lē-bûn 1 ==

Bók-su-qo sī Lōo-se-a Liân-paŋ ê siú-too kap jîn-qáu siāŋ zē ê siâⁿ-cī, ū tāi-iók 1260 bān lâŋ tòa tī siâⁿ-cī kéŋ-lāi, 1700 bān lâŋ tòa tī cī-qu lāi, 2000 bān tòa tī too-hōe-qu lāi. Bók-su-qo sī Lōo-se-a ê kî-tioŋ zít ê liân-paŋ-cī.

Bók-su-qo sī Lōo-se-a kap Taŋ Au ê zèŋ-tī, keŋ-zè, bûn-hòa, kap qo-hák tioŋ-sim. I sī zoân Au-ziu jîn-qáu tē-jī zē ê siâⁿ-cī, mā sī biān-zec siāŋ tōa ê Au-ziu too-cī. Ziàu pian-kài ê tēŋ-gī, Bók-su-qo sī zoân sè-kài kî-tioŋ zít ê siāŋ tōa ê siâⁿ-cī, mā sī tē-24 tōa too-hōe-qu, tē-16 tōa cī-qu, kap tē-10 tōa siâⁿ-cī.

== lē-bûn 2 ==

Taŋ-kiaⁿ-too sī Jít-pún ê siú-too. Tōa Taŋ-kiaⁿ sī zoân sè-kài tòa siāŋ zē lâŋ ê too-hōe. Taŋ-kiaⁿ pún-sin to-ū 1200-bān ê jîn-qáu. Jít-pún ê zèŋ-tī, keŋ-zè, bûn-hòa tioŋ-sim lóŋ tī hia. Jít-pún Thian-hôŋ tī hia qiā-qí; tioŋ-ioŋ zèŋ-hú ê ki-koan mā siat tī hia. Taŋ-kiaⁿ sī Taŋ-a-ziu ê 1 ê tioŋ-sim.

Taŋ-kiaⁿ ê miâ piáu-sī i tī í-zá ê hú-siâⁿ Kiaⁿ-too taŋ-hoŋ. (Kiaⁿ-too ū 1 toāⁿ sî-kan hōo-zò “Sai-kiaⁿ”)

Sioŋ-tùi pát-ê pêⁿ tōa·ê too-cī, Taŋ-kiaⁿ ê koân-lâu-á-cù ke ziâⁿ zió tòŋ. Qah zē sī 6-zân zì 10-zân ê kē lâu-á. Ze sī in-ūi lék-sú siōŋ, Taŋ-kiaⁿ tē-tài bat hoat-seŋ kòe zin zē pái tōa tē-tāŋ; hiān-tāi ê kiàn-tiók-hoat hān-zè qí koân-lâu.

Taŋ-kiaⁿ ū zoân sè-kài hoat-tián siāŋ-kài ziâu-zn̂g ê tāi-ziòŋ ūn-su hē-thóŋ.