成功精神大力丸

喺一個鼓吹成功嘅城市入面，自然會有好多成功學嘅書。

喺一個鼓吹成功、但人又唔鍾意讀書嘅城市入面，自然亦有好多成功學課程同 workshop。

我以前都好追捧成功學、方法論同系統化。

呢啲嘢之所以吸引我，係因為佢哋嘅標題總係戳中我嘅痛點：99% 的人唔知道……你一定要……我見過最有效嘅方法……

呢啲就係新時代嘅精神大力丸。

但現實係：我學咗咁多，到頭來多數只係沉迷喺搭建一個好睇但空心嘅幻想，用嚟緩解自己嘅焦慮。

有個詞叫「工具色情」，講嘅係人過度追求所謂嘅效率工具同方法論，追到上癮，最後反而忘記咗行動，同埋自己原本嘅目的。

例如，我曾經研究點樣用筆記軟件分類筆記，信心滿滿咁整咗一堆標籤，仲將以前寫嘅內容逐一塞返入相應位置。嗰陣我確實好滿足，但之後就冇之後——我再冇掂過嗰堆筆記。

本質是我自欺欺人，用儀式感來填充平淡生活的焦慮而已。

仲有一個好大嘅陷阱，就係所謂名人分享嘅成功法。前兩日睇片，見到一個叫一派胡言嘅暢銷書系列，入面列咗好多書，當中唔少都係名人寫嘅感想；諷刺嘅係，後來有啲名人都翻車咗。

成功唔會被輕易複製，唔好輕易相信所謂嘅成功方法。固然每個人都有值得學習嘅地方，但一個人嘅「成功」背後有無數因緣，例如身份地位、社會背景、際遇等。大多數人往往習慣將成功歸因於自己用嘅「方法」，但方法其實只佔成功好少一部分。

某某老師總係吹噓「跟住我嘅方法就可以成功」，某某教練又成日話「跟住我嘅方法就會有效」。呢種普通人算盤其實好有局限，佢哋忽略咗每個個體嘅獨特性。

我地買成功學，重點想得到「武功秘笈」與「彎道超車」，內心是想用最低成本中六合彩。

卻對人更根本的核心，品格鍛造視而不見。即便成功，也只是淪為成功的巨人，品格的矮人而已。

成功亦更受時代影響。我最近留意到近代中國圍棋頂尖高手柯潔，佢之所以能登頂中國圍棋第一人、成為世界八冠王，靠嘅係唔跟隨名師——唔按套路行。

正因如此，佢嘅棋路充滿創作性，將好多跟隨名師嘅棋手打落去。你可以諗下：喺柯潔未出現之前，棋手嘅成功之路係跟名師；如果柯潔跟住舊有嘅成功路，佢仲能唔能夠成功？

然而風水輪流轉，到咗 AI 時代，跟隨名師「AI」嘅成功路又返嚟。依家圍棋世界第一申真谞，人稱「申工智能」，因為佢落子同 AI 嘅棋非常相似。你睇，所謂成功嘅方法在時代的洪流裡，不堪一擊。

柯潔是不世出的浪子天才，申真諝是把自己逼成機器的苦行僧——這兩條路，哪一條是凡夫俗子可以照辦煮碗的？

我地普通人最大的幻覺，研究柯潔拜不拜名師、申真諝學不學 AI，同街市賣魚勝在研究李嘉誠是信佛還是戴精工錶一樣，滑稽之極。

天才的天空，哪是我地普通人能睇透的？

整天將『系統化』與『乾貨』掛在嘴邊的人，不過是用儀式感的勤奮，來掩飾靈魂深處的懶惰與貧瘠。

認清自己的平庸，選擇自己內心認可的方向，老老實實地去磨煉，唔好日日妄想用別人的秘訣行捷徑。

這在資訊爆炸的時代中，已經係最高嘅清醒。

至於成不成功，那是造化與時勢的賞賜，豈是一本筆記、幾個課程所能強求？