還記得... 行緊去調音既路程 Part(1)

前年，去左差唔多一年日本，就係去學調音！！

個時真係咁諗： 鋼琴玩就玩左好耐，但從來冇諗過要去學調音。不過冇計啦～ 玩音樂又唔夠人勁，一山還有一山高，強中自有強中手。 又唔捨得唔玩音樂，咁唯有做d猛車邊有關音樂既事啦。

宜家又唔係咁諗ar 哈哈：係既係既，一山還有一山高，強中自有強中手，buts...千人同茶不同道，萬人同道不同心，我唔夠你好，唔代表我唔好呢。 咁有咩所謂，不過唔學都學左多一樣野，冇浪費啦～

所以咪黎左呢到.....東京！

還記得， 第一次去學校比左個set野我， wow 多到呢， 又手術刀，有鉗，又燒焊，又叉又刀咁，大開眼界。 如果唔係話比人聽我做調音，d人一定以為我做咩奇怪工種！

但當時呢set野真係好好好好靚，每樣都係perfect, 到宜家都　大切に　珍而重之！！

所以宜家同大家調音個時都會用反同一set野黎同大家調音，保證大家都有一個正既調音效果。 工欲善其事，必先利其器》利器，利器，全部都係。

跟住咪要定下上堂時間， 睇睇個時間表先！ 正wo，夜校，好耶 大把時間做第二d野lu!

呢幾位先生個個都身懷絕技，留意翻，我全部先生都上曬佢地d堂， 本身佢地係想比同學一個禮拜上兩日左右，慢慢練。 可惜我係海外生，唯有出盡全力，沖呀！！ 最後我係差唔多揀曬所有既班，導致我日日都要上堂 haha。

但你點會估到，最後每個先生都好好， 好friend，尤其加藤老師～ 一流，又靚仔，又有錢，又有技術，又單身，仲識得調教......個琴，邊個唔中意～

好今次講住咁多先！

之後再分享下 當中既玩法係點樣！ 睇完記得黎搵我調音ar，雖然我未必有時間可以即時接到你，但有時間一定黎，唔好介意排隊！ 保證你滿意～hey!