第三話｜比早放更早放的 part-time

今日係開開心心嘅平安夜。

唔使返工，真係好開心。

如果——

上個星期冇發生嗰件事。

上星期五。

秘書姐姐同我哋講，老闆話平安夜會放早。

大家一齊食埋平安夜大餐，之後就開開心心放長假。

仲補一句：

「你真係好彩呀，今年揀咗平安夜同 31 號都放早。」

聽落好溫馨。

臨放工，老闆單獨叫我入房。

佢同我講：

「下個星期你返星期二同星期四啦，

咁你多啲假期，可以好好放過一個長啲嘅假期。」

我心諗：

What？

原來個半日假，

都可以計得咁盡。

算啦。

我都唔同你計，老闆。

反正我下星期去旅行。

咁啱，你話我多啲假期。

我就照你意思——

下星期開就放假啦。

一月見。

至於一月見唔見得到，

就睇心情啦。

我只係一個，

想放「長假」嘅 part-time。