香港運動員只有個人榮譽，冇香港榮譽。

香港個個運動員以做運動公務員為尚，政府公帑出糧、巨額補貼，體育界根本唔係產業。有成績嘅，個個都係二世祖同中產子弟，根本就係家人補貼，搵唔到食。

而且做得有錢人就有貴族義務，問請班二世祖做過咩？個個富而不貴。至少都fig下香港旗（唔係香港特區旗），為香港嘅惡劣境況講下嘢。

見到支紫荊花旗就把幾火，代表香港嘅花係洋紫荊，象徵住東西方相遇而空前絕後嘅香港獨特性，紫荊花係另外一種花，毫無關係。如果「話香港運動員係垃圾」係羞恥，咁張冠李戴嘅紫荊花旗就係屈辱，但個個運動員對此無動於衷，只有個人榮譽，冇香港榮譽。

講緊香港體育界唔係產業，唔係其他國家。香港百業俱頹，尤其冇工業，邊度嚟真係贊助商贊助到運動變真係一個產業先得架，宜家香港運動繁榮係好病態。正常嚟講就算代表自己國家出賽都真係冇咩錢收，人地奧運攞獎都只係自資出賽咋。