你知道漢語係來自粵語嗎？

中文圈子嘅資訊一直以嚟都話粵語係漢語分支出嚟，甚至將粵語貶為漢語嘅方言，但其實世界學術有另一套睇法。

粵語傳承咗古百越語嘅聲調現象，反而古漢語族係冇聲調嘅。英文維基百科有記載：

en.wikipedia.org/wik...：「Old Chinese as a language without tones」

翻譯：「上古漢語係一門冇聲調嘅語言」

上古漢語冇聲調，而係一種屈折語嚟，有好豐富嘅輔音詞尾系統，詞根亦有輔音詞綴形成嘅形態變化，而且仲有啲主賓動句子結構留低。

係中古漢語先至變成同侗泰語系（即百越語）一樣，冇輔音叢，單音節，有聲調，完全主動賓句子結構。

（屈折語即係透過詞綴嘅語素變化去形成相關嘅意思或語法，用字母文表達就係改變部份字母，例如現代英語就保留咗一啲屈折語特徵，例如adapt→adapts、do→doing）

地理相近，並且粵語區人口眾多，古漢語好可能係受到古粵語影響而變成宜家咁樣嘅。睇睇大東亞地理上嘅語言種類分佈。日語同韓語都係冇聲調，有豐富屈折變化，主賓動句子結構。而兩廣南面，亦即印支半島，佢哋嘅語言近乎都係，聲調語言，以單音節詞為主，主動賓句子結構。呢個推斷係非常之合理。