無奈又要收養

前晚半夜三更去新屋煮野食，不停咁聽到貓叫，老公趁我煮野嘅時候出去看看，見到隻貓B（我估大約1-3個月）, 等我食完野後，老公去最近嘅便利店買包濕量比佢時，我行出去見到佢，佢就立刻行黎我身邊想抱住我，於是我抱起佢安慰，佢當我係阿媽咁又爬上我膊頭，又捐入我身，邊抱邊安慰邊行吓附近睇吓會唔會幫佢搵到阿媽，但水靜河飛，唯有暫時照顧住佢先，立即返屋企攞個籠仔，去附近mini超市買來食物及貓砂，放佢係新屋嘅前園照顧住，起碼有水有糧令有安全感吧， 希望佢阿媽快d出現認返佢呢，可憐的麒麟虎斑貓。
後來發現前園實在太熱，於是老公搬牠入屋， 所以只能在新屋收養牠吧。