What if你唔係「懶」，係心很累？

「你唔好成日掛住打機，咩都唔做，成個廢柴咁」

「乜你咁懶㗎，成日瞓到12點先起身」

我係過來人，鬧人嗰個，同被鬧嗰個。

你以為你沉迷打機，沉迷YouTube，沉迷IG，沉迷Facebook。其實都係在逃避，逃避冇細藝嘅生活，逃避無聊，逃避孤獨，更有可能嘅係其實心很累。

「心很累」 — 明明乜嘢都冇做過，但係你咩都唔想做，只係想攤喺梳化，去睇Social Media ，1-2個小時起跳。有好多嘢想做，例如：知道自己呢個時候應該要做運動，但係力不從心，不由自主。

有人話呢種係能量低，如果你不信能量，或者不相信自己是能量低，那麽可以相信是心很累嗎？

心很累，其中一大個原因係自我批判。

自我批判，相比起俾人鬧更加可怕。人哋鬧你你唔認同，冇問題，如刀槍不入。

人哋鬧你，你認同=你接受，就等於自我批判。

聽咗好多年要愛自己，乜嘢係愛自己，我最滿意嘅答案就係「不要自我批判」。

自我批判，簡單的如：

「我好蠢」 「我好懶」

複雜一點的如：

「點解我要咁對自己，返d咁嘅工，坐係office唔好咩？」

（懷疑人生同埋心淡。喺低谷嗰陣，呢種對比（辛苦 vs 安穩）會令自我批評變得好尖銳。）

「我每日淨係返工，打機，睇youtube，食飯，訓覺，咩都無做到，成個廢人咁」

（充滿了強烈的自我厭惡與無力感。在低谷時，這種「無限輪迴」的生活模式最令人崩潰。）

「點解我搵唔到錢？點解我唔做份好d嘅工？」

（這兩句問話直插心臟，充滿咗對現狀嘅不甘同埋對自己無能嘅憤怒。當你處於低谷，呢種「比較」會令你覺得自己好失敗。）

當時的我差不多返工，每日都諗「點解我要俾自己返呢份工？」，後來才認識到原來呢個行為就好似喺個傷口度每次插一刀咁。傷害性非常大，形成內耗。

當你真係心很累時，又好想做一些看似困難的事時，可以對自己說 「我可以」。

如果你覺得呢啲係躺平，或者唔應該縱容呢種人，我會話你好好彩，你未經歷過，但唔代表唔存在。喺我未經歷過之前，我都覺得係天方夜譚。

健康最重要，開心更加重要。如果你係唔開心，每日喺壓力下生活，就算保持住好有規律嘅健康生活做運動，健康飲食，又點會健康呢？身體最誠實，膊頭痛，頭痛，腳痛，等等，都反映一啲訊息俾你聽，「身體有d負面情緒，如擔憂」。 錢買唔到開心，自己嘅快樂任何人都拎唔走。

我有個朋友最近失業，當前應該內耗中，但他的伴侶卻用「廢柴」來形容他。聽到都覺得心酸。其實在他的伴侶出口說他是廢柴之前，可能他已經自我批評了10次，甚自每日10次，「我好無用，養唔到家」，「我要努力搵工，唔可以咁廢」。所以當伴侶說他是廢柴時，已經在一個爛容容的傷口上再插一刀。

如果你身邊都有呢種「懶人」，希望你可以減少批評佢，多啲體諒佢。與其話佢「廢柴，懶人」，不如改為「你係咪好攰呀？唞唞啦 ，it’s OK。」 

人心肉造，他日當你遇到這種低谷，

例如當你跌低時，

你都希望別人會體諒關心🫶🏻，「你無事嘛？」，

而不是不停的批評「你有無帶眼睇路架，行平路都跌低？」。