IPFS 指纹 这是什么
當年放榜之後覺得自己入咗陷阱…有人有類似經歷？
最近放榜季又嚟喇，見到啲後生仔喺度煩緊升學，唔知點揀，自己都幾有感觸。
原來我公開試之後，已經過咗成22年。
我嗰年會考成績唔算好差，本來想重讀中五，但老豆就建議我唔好重讀，叫我直接報讀製衣業訓練局，話可以邊讀邊拎零用錢，感覺好似幾穩陣咁。結果入咗去先發現完全唔啱自己——課程又冇興趣，同學好多成績仲比我差，有啲係毅進上嚟，有啲係重讀一年中五之後先過嚟。
面試當日我攞住成績單去，老師問幾句就笑住話收咗我，當時仲以為自己好幸運，依家諗返覺得係因為我成績比班入面好多同學都高，所以佢哋見到都開心，唔多唔少有啲利用我個感覺。
晚晚我再去讀 part-time IVE，因為英文唔合格，想補返做夠五科，但啲堂真係好沉悶，我基本上冇上過堂都識做功課，兩邊課程加埋就好似浪費時間咁，最討厭係嗰個製衣美術功課，成日叫我重畫，我重畫得最多，但又覺得無意思。
所以我最近諗返起呢段經歷，整咗一條片記錄低，講我當年放榜點樣因為一個選擇走錯咗，直頭係我人生地獄嘅第一站。
如果你都係準備放榜／煩緊升學／又或者你屋企有DSE仔女，其實可能睇得有共鳴。
🔗 有興趣可以睇睇我拍嘅第一集(個人經歷)
想問下，有冇人當年都係入過製衣業訓練局、IVE 或毅進課程？你哋覺得有幫到自己？定係同我一樣，中咗伏？
可以一齊分享下經歷，等啲後生睇到有多啲角度參考。