呢堆粵語獨特玩意你玩過未？

其實粵語（廣東話）有唔少獨特wordplay。

例如數字歌（《數字人生》）、數字填詞法、顏色填詞法，利用咗粵語先有嘅協音（啱音）現象，因為粵語內建旋律，所以粵音歌詞嘅旋律要同曲嘅旋律一致先唔會走音。數字填詞法係將九個聲調粗分為四個數字0243，首先用呢四個數字去填詞，再將聲調相約嘅字填返入首歌。關於數字填詞法有人發明用另一套數字，但原理都係相同。顏色填詞法即係唔用數字，改用顏色字，我都只係知道下呢個方法，具體係咩顏色字已唔記得，希望有人記得嘅話可以留言講講。

例如「入實驗室撳緊急掣」呢類急口令，利用咗粵語嘅入聲字。如果大家知道仲有咩入聲字急口令，可以留言講講。

例如有一年TVB嘅台慶定慈善籌款節目有一個環節，一眾明星即場表演一段短劇，首先每個人對白每句只能用四個字，然後重複表演同一段劇，對白每句卻只可用三個字，然後重複卻用兩個字，最後一次重複只可以用一個字，呢個表演利用咗粵語不但詞彙豐富而且有大量單字詞嘅現象，用普通話就唔太得喇。