電影 - The Roses - 玫瑰夫大戰玫瑰妻

今次影帝影后飾演一對才華橫溢嘅夫妻，男嘅係建築師，女嘅係廚師，浪漫邂逅佢哋愛得火熱，組織家庭生埋仔女，不過，當有一方事業遇到瓶頸，另一方卻如魚得水嘅時候，心理是否不平衡呢？尤其係兩個都有返咁上下水平嘅人，你身邊有冇啲咁樣嘅情侶？又或者你對住另一半又有冇一啲角色衝突？調配責任，處理雜務，究竟點樣先可以維繫到家庭和諧，甚至乎係夫妻嘅愛呢？

妙語連珠，實在超級佩服兩位演員能夠駕馭如此冗長卻精彩嘅對白，你睇到嗰啲英式幽默針鋒相對，但又會睇到佢哋雖然關係密切，不過係走在鋼線上，隨時會擦槍走火。

電影除咗讓你享受兩個演員精湛演技之外，導演嘅安排都幾恰到好處，冇話偏袒是但一方，兩邊都有好有壞，兩邊都有佢哋嘅理由或者掩飾，最後結局都幾驚喜㗎。