係咪真係隔離飯香(Part 1)??

大約兩個月,同朋友聚會,大家冇見甘耐.吹下水.講下自己平時工作有幾不順,家庭壓力..突然有個朋友,佢講佢公司有個女同事.同一個保安員出軌.仲要拋夫棄子.

話說.朋友口中既女同事叫阿Ann(化名).阿Ann 4x歲.有一個10歲小朋友,老公做跟車,阿Ann佢就做普通文職,阿Ann(自覺)樣貌似鍾嘉欣.身材名模身型.要全世界男人愛上她.

有一日,阿Ann如常返工收工,突然有位保安員叫阿Gary(化名),向阿Ann搭訕.起初只是hi,bye,慢慢傾多兩句,之後自然地交換電話.Gary不斷噓寒問暖,溶化左阿Ann既芳心.好自然走在一起.阿Ann已婚.而Gary就離婚.有一個14歲小朋友.

阿Ann話同Gary呢段才是真愛,佢老公同佢冇感情.阿Ann把心一橫,搬出來同Gary同居.因為阿Ann聲稱自己有錢.幾十萬積蓄.完全冇問題.即係話.佢要同佢老公離婚.阿Ann老公初初都有挽留,但阿Ann好絕情要離婚.

阿Ann同Gary搬到旺角一個劏房.8000蚊,但租金是由阿Ann負責,點解會由阿Ann負責,Gary呢?

原來,Gary因為追阿Ann.被公司解雇.所以,Gary係冇收入....

感覺到.阿Ann係比Gary欺騙........