Miss咗考試？Miss咗花期？Miss咗螢火蟲？體檢鬼打牆@4月

總算放了一日假，去了趟英領館，聽了兩場導賞。突然想起，嗯？我報名的外領考試，怎麼沒消沒息的。

台灣的導遊領隊考試每年只考一次，會考一樣，而且考得很難(我覺得)，還分語言。我本來只考華語，幸運地低空飛過。沒想過要考英文或其他語言，並不想帶台灣客去外國，台灣客自理能力沒香港好，要求多多而每日每位客只有150TWD，算起來帶一團八日，只係得6000HKD，唔係淨袋，仲未扣要俾返派團公司。反正我有HK領隊牌，真係想帶團，都帶HK，直接收美金。

講係咁講，有得帶先算。

一講到工作我就鬱住鬱住，唔係好開心。無論去到邊都唔太開心，所以為咗要令自己唔好餓死，獨立作業+自由工作係必需。但……好漫長，可能又係韮菜思維…？

唔通我Miss咗考試？

嗯？做乜講咗嚟呢邊？回到考試。因為行政架構唔同啫，考試全網路報名，煩咗佢只限特定時間，大約10日先知考試資料，去邊到考，幾點考等等。我大約每個月頭check一次，都好老定，因為前年考個時，考選部有寄掛號通知，佢緊張過我。一心以為即使check唔到DL唔到(唔係人人都咁叻電腦嘛)，佢點都email或者sms通知我掛。

3月頭check？點解無得download準考證。3月底check又無。佢有個「第二階段」，5月先考，我心唸，唔通我係第二批？因為我已經有執業證，所以「免筆試」，而「第一階段」筆試，而我又免筆試……

去到4月份，唸唔明，就打電話去問。

「筆試不就考完了？」

「我申請了免筆試，但一直沒有考試通知，想要知道是不是外語筆試和之後的考試日期。」

「那你免筆試，又怎會有通知？」

「啊所以是不會通知還有通知了我沒收到？」

「我怎麼知道？我這裡是辦考試，要去問觀光署。」

鬼打牆咗一輪之後，佢唔知我up乜，我又唔知佢up乜。我問佢觀光署電話幾號，佢話你自己google啦。我就收咗線。摘日再打，但我覺得miss咗既機會幾大。

呢啲都係台灣日常，台灣人真係唔通知，公司都唔太溝通。總之佢叫你乜都要問，一嚟，有時我對個件事無概念，真係唔知點問。二嚟我真係唔明，認真問啦，又話︰「無人會解釋得咁清楚。」

唔知又唔問，但又唔知點問

記得十年前讀書，郵差寄掛號去到門口，會打電話通知。十年後今日，電話都無個不單止，有時連投遞單都無。有次包裹到郵差總算有電話，我請佢放投遞單，咁我可以依單改收件地址，或者去另一間郵局拎。佢話，我不懂怎麼弄呢。然後我請佢改投I郵箱，佢又話，佢不知道哪邊有I郵箱。我再話，咁你幫找改投高雄前站郵局，佢又話，我只知後站郵局，不知道車站還有其他郵局。

前年去台北參加一個課程，話有交通津貼。我問佢點樣申請，佢話每次落堂交車票交俾負責人就得。我每一堂都有咁做，結業咗兩個月，我見佢地無反應，我send email問，又話有交通津貼既？無聲無影。佢先至話，一個月前有send email，叫我地「填寫申請表格」。我話我收唔到喎，但個心又唔服氣，唯有佢證明自己有send，令自己個心順啲。

「吓？打個電話講聲都唔係好難啫。」某日同HK朋友呻，佢既反應同我一樣。

無通知、零提醒係常態。肥灰講過係加拿大差不多，IKEA送貨係唔會電話通知，到時間無人係門口接貨，送貨人員自動波走，唔會同你講。近月亦處理咗幾單，外國遊客買咗A遊程，到現場集合，現場無人，打電話亦打唔通。搞足半日透過資深同事人脈先至搵到對方老闆︰「下方有寫呀，未滿20人不成團。不成團的話，我不會派員過去櫃台呀。」喂……人哋專登搭飛機過嚟安排曬時間，都真係無言……

而呢個情況，落到我身上，因為個性同身體特徵，加大咗三倍，做成好多麻煩。近讀史兄英倫生活，維修人員上門都係冇通知，自己開門入屋。我會爆炸。

所以舊年辦證件，居然有人打電話提醒，仲催促我快啲搞，真係奇蹟。

落花風鈴木、露天螢火蟲

「少年郎呀！你在拍甚麼？」輪椅上的老奶奶問推着她走的不知是女兒還是媳婦的中年婦女我聽不懂台語，中年婦女用國語再問一遍。

我蹲在地上，尷尬說︰「拍環境，拍生態……」

三、四月總想去看個風鈴木，風鈴木常見是黃花，好像還有粉色的，而粉紅色的好像叫花旗木，好像不是相同的植物但都長在樹上……不管，二月後開始約人。一時感冒，一時已讀不回，拖着拖着到四月，忽然IG推一則岡山花旗木，順便去看個眷村，便出門了。

沒想到，花，落了。依地圖閒逛去醒村。上網睇醒村係另一個眷村再生計劃，網站做得幾好、幾靚。點知去到……未開。

本來都唸住無機會再出門，月底突然被逼休假一日，隔離公司同事既相熟導遊又咁岩有團去睇螢火蟲又咁岩剩一個位。因為半價出門，隔離公司同事個老細落咗order要影螢火蟲相返去交差。我虛應了事啦，認真帶架生出門，但未必認真影。

點知去到先知應承得太口爽。影螢火蟲要入黑前set好曬機，點知現場要黑齊，七點後先至放人入場，時間又唔夠，七點三十就開車走人，得20分鐘。現場無燈亦都唔俾開燈，人撞人，乜q都睇唔到，唯有見到光點就影，結果返屋企打開電腦一睇，全部都係其他人既電話。

體檢鬼打牆

「8字開口在哪邊？」

「8字？8字沒有開口呀。」

「7字呢？」

「7字不就是個L嗎？哪有口？」

「那你看到哪個字的口？」

「3，開口在左邊。」

「英文字呢。」

我一楞吓？load咗陣。哦，唔係講啲數目字，係講數目字對應英文字既開口方向。

「哦～不是看數字喔？3字上下排都有英文，哪一排？」我問。

「可以了，謝謝，下一位。」視力檢視員打發我走。

台灣法例規定(好似係)，員工要三年體檢一次。基本體檢，抽血驗尿之類。體檢每次around 1000NTD，而好采我依家呢間算大公司，同醫院有聯網，去指定醫院、指定時間體檢免費。咁無既，為咗交差，就同埋同事一齊去指定流動檢查站體檢。

舊年入職前體檢咗一次，個次就自費。今次公司指定項目，驗得比較多，但驗身報告就唔會俾我，直接交公司。我當刻有種感覺，係將自己身體數據交出去，不過好采，因為檢測人都係走走流程，度個高，誤差+-5cm係正常。

我哋度完高、榜完重，就等做超聲波。又唔係大肚婆，都唔知點解要做。等足一粒鐘，入到房，檢查員嘖咗啲油落我個肚，拎住個scanner咁既物體，係咁碌係咁碌。一邊碌佢一邊話︰「你昨天晚上吃了甚麼？」

「呃……燙通心菜加蕃茄炒飯，素的。」

「照超聲波前要吃清淡點呢，你膽囊沒有放鬆得很好，這樣我看不清楚呢。」

我心入面覺得冤枉，都已經成晚無食肉，又無食早餐，水都無乜點飲，你仲睇唔清楚？成個過程只係想快啲結束。照咗五分鐘，照完，成肚油。我問護理員借廁紙草草抹完出門口，等埋同事準備去食lunch。

同事得戚話︰「我剛偷吃兩片吐司，他沒有照出來呢。」我委屈說，被盯了，明明甚麼都沒吃。

話音剛來，後方傳來檢查員此起彼落的聲音︰「你們兩個瑩幕接反了！？」

照完之後唔知點解，個肚痛咗兩日。ORZ

台灣日常。完。

每周一則城巿故事。突破點對點生活模式。
邁開腳步，劃出舒適的平面。喜歡原地遊的內容，請接續以下方關注更多動向：【 Facebook｜Instagram｜Patreon｜Gunroad｜Pinkoi｜500PX】