大隻廣｜根根計較

一九年是在當柴可夫在馬爾地夫當柴可夫的最後一年，不得不爾。

八年，來回十數次，真正在小島上工作的日子加起來，不長不短。

老闆敗娃把一個又一個的大餅塞爆我的每一條血管，之後卻不聞不問。

曾經懷疑那可能是過度浮潛帶來的副作用，脹氣吐不出來，整個人從內到外都是不浮不沉、不上不下、不存不濟。

那段日子，一邊在監督民宿無了期的翻新，一邊老鼠拉龜地自學 Dhivehi，結果兩敗，沒得著，亦沒受傷。發生過大大小小的事情，嚴重得應該編入史冊的，不會主動記下來，癡想就此餘波不再，早點能煙消雲散，我嚮往那種連一圏漣漪也不見有的寧靜。無關痛癢的芝麻綠豆卻滿滿裝了幾籮筐，就是要等到成為彼此不瞅不睬的陌路人後，重唔輪到我肆無忌憚！

2019／¹²₀₇／大隻廣

╳╲╳╲╳╳╲╳╲╳╳╲╳╲

🕧　食晏時

🤴🏿：我琴晚等咗成晚你都無嚟打波。
我：有約咗琴晚打？我成晚都喺屋企，你唔打畀我嘅？我想打好耐啦。
🤴🏿：等咗你成晚呀。我借晒拍同波你又唔嚟。
我：喂你都冇話我知琴晚有得打！今晚你得唔得，八點定八半？
🤴🏿：八點啦，不過我怕你悶，我係冠軍嚟。你記得陣間四點要落田，我會嚟睇實你。

🕟　四點四十分

整佢個掣，度晒尺、畫晒圖都未見人！啱啱離開嗰片步步泥足深陷到腳眼嘅爛田，就撞破太子佢拎住塊板準備去沖浪。望一望個海，哦，啲 waves 唔錯喎，好明顯係計好晒時間，唔怪得叫我呢個鐘數去塊爛田度啦。不過又未到死罪嘅，起碼佢冇趁家陣啲毒蛾毛毛蟲到處肆虐嘅時候等登陰鳩我，我個身就唔會焫到一撻撻咁。不過呢條食飽都唔夠九十磅嘅蛋散，我就放長雙眼睇下呢笪田地最後會爛成點。

我：今晚八點見。
🤴🏿［邊揮手邊走夾唔抖］：好。

🕗　八點三個字

屈時鴨、短信、電話，通通都冇應機。等到 20:35 我先至走。就算八半打，我都無走你數，唔好嘢嘢扮受害者嚟借位入我。當然之後又不了了之。

給太子的話

係假太子至啱，請唔好忘記你係被領養㗎咋。唔係 blue blood 又冇建樹，想同皇上講句嘢都要搵我傳話嘅假太子，得一想二想造反不如早啲抖。而我就係好很仆街嘅小寶。喺呢一個朝代裡面，起碼有十個得把口去振國嘅朝中人士死咗都未知發生咩事。