你知唔知?

A         你知唔知呀？

B         你係咪講緊嗰單嘢？

A         乜仲有第二單咁轟動咩？

B         咁你有冇見過佢呀？

A         呢排都冇呀，所以我……

B         你覺得真係佢做？

A         如果唔係佢，仲會係邊個呀？

B         都可能係佢老婆。

A         咁個小朋友都幾慘。

B         你哋同一條team，之前有冇覺得佢唔妥？

A         佢平時返工就冇咩特別，不過就好少同我哋食飯。

B         唔通就係出去……

A         哇，好癲。

B         你有冇諗過可能另有內情呀？

A         例如係咩呢？

B         我未諗到。

A         不過我返咗咁耐工，第一次見有人辭職CC全公司。

B         我都係，所以真係好轟動。

A         CC全公司都算啦，仲要attach一家三口旅行相。

B         個小朋友係幾得意嘅，但都冇必要俾全世界睇囉。

A         你話佢搵到工未呢？

B         我估計已經搵到好路數，話曬又要養家又要去旅行。

A         所以佢老婆就幫佢昭告天下。

兩人大笑，走出茶水間。