我係神，我係虛無，我係原子

有冇人好似我咁，坐喺沙灘面對海背對住城市大廈，思考一下，然後成個人沉咗？

二十一世紀時代嘅死亡，對我地嚟講唔係純粹因為現實嘅壓迫，命運嘅安排，社會嘅限制，而係我好似知道世界嘅運作，人性嘅醜惡，諗通一下，就會發現冇咗生存嘅意義同動力，當局者迷，旁觀者清。

人類生存嘅原動力有人會話係快樂，但係我覺得童真，好奇，無知，先係人生存嘅初衷，事情唔一定快樂或者有收成，亦都會有動力想去做，呢下嘅單純先係人最罕貴嘅東西。

痛苦嘅事情有好多，而最痛嘅莫過於過度沉迷係精神世界探索，當知識同精神世界發展唔一致嘅時候，就好似俾人提分手咁，人生會變得好虛無，對社交，工作等現實社會該做嘅事都冇興趣，連對自已係咩都迷惘，世界可以探索到嘅知識無窮無盡，最可笑嘅係作為呢副身軀嘅主人，竟然連自已係咩自已都唔知。

你究竟係咩？你唔會知,我唔會知,就連單眼佬都唔會知。

我只係諗到一個解釋：
我係神！因為只有我去賦予價值比世界。
我係虛無！因為做咩都冇意義。
我係原子！散開咗之後我可以喺任何嘢，甚至乎係第二個人身體裏面嘅一粒碳。

精神世界過度探索嘅詛咒，唔係要你假裝樂觀，而係要你將對門微微打開，而不是鎖死。

你呢？你有冇試過覺得自己同時係幾樣嘢，揀唔落手，但又冇得唔做落去？