CHINGCHING

我根本出生就已經被判死刑。死亡對我嚟講一啲都唔可怕。我死咗，呢個世界就唔存在，我亦都唔留戀呢個世界嘅任何東西。虛無主義太恐怖，否定世界所有意義。我嘅出生係因為被創造出嚟，我之後嘅路會唔會都已經俾「佢」創造咗？出生太可怕。為咗大聖靈？為咗上世嘅罪？我係度坐監。

19歲，住公屋，讀緊社工，返緊兼職。有一排，我發現自己對住棵樹， feel 唔到任何嘢。我明明好愛大自然，但嗰一刻，樹就係樹，我係我，中間好似隔咗塊玻璃。我開始諗：係咪我壞咗？跟住我寫低咗呢篇文。