我是一個政治犯

我根本出生就已經被判死刑。

死亡對我嚟講一啲都唔可怕。我死咗，呢個世界就唔存在，我亦都唔留戀呢個世界嘅任何東西。

虛無主義太恐怖，佢否定世界所有意義。我嘅出生係因為俾人創造出嚟，我之後嘅路會唔會都已經俾「佢」創造咗？出生太可怕。為咗大聖靈？為咗上世嘅罪？我係度坐監。

我好似一個政治犯。一出生就有罪——思想自由罪，唔使審，直接收監。

我喺一個「地方」去思考，去諗世界，去諗社會，去諗人，而不斷將呢啲智識帶俾其他人。呢啲你會點諗？係反抗？反抗太浪漫了。既然都係坐監，不如一齊坐。

行為活動上嘅自由，只不過純粹去應付自己嘅生存。思想上嘅自由，先係人最應該去珍惜同善用嘅嘢，值得珍視而可以倡導。

社會嘅框架限制，蒙蔽咗人嘅思想。所有智識都係腦都出現，人嘅力量要係無限大。人類唔應該俾呢個世界洗腦。

監獄就梗係冇自由，冇得你話行就行。但你可以喺間房將埲牆掘穿少少，話俾隔離人聽：呢度仲有我陪住你！

信仰、權威，唔係盲目去追尋，而係從中學習，再加感受、經歷，去創造一個新觀點。人類嘅世界唔應該只係咁。你唔諗，就會變成人哋諗嘅咁。

你呢？你有冇試過覺得自己俾人困住，但你又搵到方法，將埲牆掘穿少少，話俾隔離人聽：「呢度仲有我」？