今年7月1日的校友聚會

好彩，雖然我同校友一段時間無見，但熟悉嘅面孔好有親切感，令我安心同各位分享近況，了解校友會同校園近況。

上年去完7.1，我有個感動，問自己嘅位置係邊？作為校友，我可以點樣為校友會同校園付出？

今年，我見出咗報名表格就報咗7.1。

當日有個時刻，我被感動，有一個我從未想過嘅想法浮現（pop up）咗。我知道，如果客觀環境許可，呢個就係我可以為校園身體力行付出嘅途徑，至於係咩，我先賣個關子，不過我同緊相關人士討論緊呢個途徑嘅可能性。

大家，校友們，你有幾耐無被感動呢？當日你做學生嘅力度，畢業後嘅你有保持住嗎？

願我哋從微小嘅生活習慣開始開放我哋生命被動工，不住地尋求，敏銳生命被動工、被祝福同被帶領。

仲記得當年做學生職員，親身經歷合作二十多年嘅機構三日內撤出校園，有人形容校園「變天」。一班校友挺身而出，不計較，無私為校園需要付出，成立校友會。我當時到宜家都好佩服校友會幹事嘅熱情同魄力！期望校園、校友會、學生群體繼續同行為伍，成為精兵。

昔日如何在困境中蒙恩帶領同保守，今日繼續率領校園同個人前面路程！