你知道龍文化係由粵地傳入中國嗎？

粵人嘅祖先係百越人（百越又寫作百粵），而龍係百越文化。一方面，喺中國，龍係皇帝專屬，創世神話係盤古開天辟地同女媧造人，係完全冇龍。另一方面，百越人自視係龍嘅子孫，有「龍子仙孫」神話，亦即嶺南人係「貉龍君」後代。

端午節起源講法以楚國愛國詩人屈原投河自盡嘅故事最廣為人知，但其實喺屈原之前就已有相關嘅節慶活動，屈原嘅故事只係咁啱融入端午節啫。端午節扒龍舟，點解係扒龍舟，而唔係扒其他嘢呢？因為端午節其實係百越人祭祀龍神嘅盛大祭典，中國詩人聞一多嘅《端午考》同《端午的歷史教育》都有考證記載。

眾學者認為，「龍」源自百越文化，後來先被中國人接受同普遍化。

學者指，龍係集合鱷魚（頭、鱗、腳）同蛇 （長身） 嘅特點組合而成。今日嘅越南係古代百越嘅一部份，越南位處熱帶地區，境內有無數沼澤、湖泊同森林，呢啲剛好都係鱷魚同蛇嘅棲息地。漢人嘅祖先係華夏人，古代華夏人嚟到百越地區，第一次見到鱷魚時常被其兇猛外型嚇到。古書入面常以「蛟」或「蛟龍」嚟稱呼鱷魚。

百越人斷髮紋身。斷髮即係剪短頭髮。紋身紋嘅就係龍。龍喺百越係大眾文化，百越人自視龍裔龍種，女人同細路平時同龍玩埋一齊，傳入中原先變成咗皇帝專屬。「中國人係龍的傳人」呢種講法亦係百越（百粵）再傳入新中國。（香港南粵，台灣閩粵）

《端午節　起源說法　有三　百越族，龍文化，盛大祭典，說法，最古老》： web.archive.org/web/...
斷髮文身： www.zdic.net/hant/斷髮文身