< 剪折 > 粵

< 剪折 >

跟隨 花開水流
定格
呢浸 光影霎眼

有時沉溺 好似有靈魂 微醺 陣味
"冷門" 得滯
分不清
迷戀 是那二字
或 滿佈
入腦中化開嘅 一世

又在意剩低嘅病
書皮黃黚黚
內 細細少少
車埋去了其他 ：
（崩壞嘅缺角...要心足；
浸脹過嘅𦧲已雜雜立立；
鎖住嘅折翼徒勞妄想；
往後 邊個嚟……）
就噉話事
指尖淡淡嘅煙草味
浸透咗成本書頁
夾硬要喺度，霸個位

而家儲埋噉 過時衫
也不完全 上咗年紀
嶄新 唰一聲攤開
攞我肉身去度返 留低嘅輪廓
沾手前人 布衣
心諗 衫背後有無點樣抱憾
為何 糊塗告別
肥咗？巢咗？唔愛喇，唔該？
凝望
著上身 留低
汗酸、回憶 同埋痕跡
覆寫

剪剪折折
諗諗念念
看透
乘著 逝去 嘅
所有執念。心淡，清朗