宏福苑火災｜單親媽媽踏上爭原址重建之路 「我哋嘅根喺宏福苑」
文｜集誌社記者
宏福苑災後至今兩個月，原址重建，成為不少居民想爭取，卻被政府忽略的議題。居民范小姐，是單親媽媽，宏福苑的單位，是她經歷人生起跌，跟孩子相依為命的安樂窩。幾經辛苦，她才跟前夫完成業權的訴訟，再努力工作賺錢，「供甩層樓」。誰料一場大火，令這個剛辛苦「重建」的家前境未明。原址重建的意願，一度被網上輿論批評。范小姐說，「其實嗰刻我哋係難受，不過我哋都係覺得呢個係我哋嘅心願，始終我哋嘅根喺宏福苑。」她強調，自己只代表 394 戶聯署人士的心聲。大火至今已兩個月，拆棚工作仍在進行當中，范小姐說，居民很希望在短期內能回家看看。
花十年贖回單位 大火付之一炬
11 月 28 日是大火後第二日，社區會堂外，范小姐被傳媒拍下情緒崩潰一刻，她是單親媽媽，辛苦買下的單位付之一炬、契爺契媽命喪火場，鏡頭前，她哭訴「我用晒畢生積蓄去買呢層樓，之後又要畀維修費，𠵱家燒埋我間屋，我可以做啲咩呀？」
范小姐在大埔成長，2013年，她與當時的丈夫，經白居二買入宏建閣一個單位。她在醫院工作、媽媽住在廣福邨，回想當日揀樓時，還想像未來有小朋友。范小姐說，宏福苑是無可挑剔的安樂窩，不久後，一個新生命也來到這個家庭。
入伙新居、兒子出生，夫婦卻要面對離婚。「好接受唔到（火災）嗰刻…你用咗咁多時間、用咗咁多心血…講緊嗰時係每一年都要上法庭、每一年都要同佢（前夫）周旋。」
失婚苦爭單位 辛苦贖樓卻遇無情火
她離婚後，就樓宇業權打官司。她仍記得，前夫曾提議賣樓後對分資產，跟她說：「『其實我都睇咗幾千蚊都有劏房住，你咪同個仔住劏房』，就係因為佢呢句說話，我就決定要同佢爭呢層樓。」去年七月，她正式贖回單位，前後花了十年，她形容當時心情是「開香檳咁嘅款」，
「我終於淨係畀水、電、煤、管理費就得，點知11月份燒咗我層樓，發生咩事？」
回想最初在鏡頭前受訪，范小姐說，從未想過事情這樣發展。11 月 28 日，政府剛公布「一戶一社工」時，與其他街坊一樣，她隨即趕到廣福邨用作臨時庇護中心的馮梁結中學查詢，雖然最終無果，卻另有社工關注她的情況，眼淺的她又再哭了，「你知一喊嘅時候，啲傳媒就會蜂擁而至。」
入立法會遞交實名聯署
直至最近一次，她與街坊戴先生，走進立法會，遞交 394 戶街坊的實名聯署，表達「原址重建」的訴求。談起聯署經過，她說，除了輿論，就連最初居民本身都有反彈，「擔心有嘢要跟進」，因此第一次聯署，只有百多人、到第二次稍為升至二百多人，直到第三次，「突然去到800幾，出咗問卷嗰刻先升高」。
集誌社檔案｜政府問卷調查街坊意向未納原址重建 立法會力推頌雅路西
1 月 9 日，政府經「一戶一社工」，以問卷訪問 1984 戶街坊安置意向。問卷涵蓋跨區樓換樓、回購業權，以至回購業權後的居屋選購權，只提出原址重建或需時 10 年，財政副司長黃緯倫更一度稱做法「不切實際」，又指計劃在原址興建社區設施。直至 1 月 14 日，黃緯倫在今屆立法會首次大會解畫，指十年估算時間，源於重建涉及業權、清拆以至建屋等多方問題。大會上，沒有議員表明支持原址重建，而是把討論放在富亨邨後、正打樁的頌雅路西公屋地盤。該選址在問卷中，屬原區安置，料可提供 900 個單位，2029 年入伙；其餘兩項，正是廣福公園、宏福苑原址。
街坊憂樓換樓只能換細樓
范小姐說，問卷出台後，街坊最關注回購的估算呎價只有平均 6000 至 8000 元，以她所住的 483 呎單位換算，未補地價下，回購價約 290 萬元，已補地價約 386 萬元，如以這筆金額放到居屋、私人市場，無法換回相同呎數的單位，她理解部分街坊為何難以接受。
在她眼中，原址重建並非要「起返晒八棟」，反而應按有需要居民人數重建。她補充，政府大可按照早前說法，同步將原址剩餘土地興建社區設施，讓居民選擇更多元化。短期內，她最希望街坊可以盡快回到家園，再看一眼，取走重要財物。如果可以，「想拎翻好多小朋友細個嘅所有嘢…可能佢啲相、BB相，或者嗰陣時佢仲喺我肚裡面嘅超聲波相。」
年青街坊助長者入通訊群組表態
宏福苑是老牌屋苑，不少居民都是長者。范小姐接觸街坊，知道長者要靠年輕街坊協助，才能使用通訊群組；聯署初期，入住過渡性房屋的街坊幫忙組織，讓老街坊知道，他們仍有得揀，至少可以說出訴求；最終趕在立法會大會前，收集到 394 戶街坊實名聯署，表達原址重建的意向。
當有居民表達重建心願後，她也留意到網民的反對聲浪，最常聽到的，是批評居民貪得無厭。「其實嗰刻我哋係難受，不過我哋都係覺得呢個係我哋嘅心願，始終我哋嘅根喺宏福苑」訪問期間，范小姐也再三強調，只能代表 394 戶支持重建的街坊。
大火當日，范小姐兩母子都不在家，當日從醫院趕回宏福苑後，范小姐說，她不忍兒子看到火勢，自己卻在安頓他後，守在廣福一帶，通宵看著自己的家園。
不能抹煞往記憶
「我畀唔到一個完整家庭，至少我畀到個『家』佢先！點知個家都無埋。」大火翌日，是兒子的學校旅行，范小姐當日如常安排他上學；事後，班主任說旅遊巴經過宏福苑，兒子用衣裳蓋頭痛哭，細問之下，他才開口說「我唔敢同媽咪講，因為我知道媽咪好唔開心，我唔想佢擔心。」
「我個仔絕對想（原址重建）。」范小姐說，11 歲的兒子，生活離不開宏福苑、廣福邨。近來，她向兒子探口風，他斬釘截鐵，說希望重回宏福苑。「我唔能夠因為…即係經歷咗嗰三日，而我要抹煞我以往嘅記憶。」