重中之重係個濕鳩交手儀式，新娘爸爸拖住新娘入禮堂「交」俾佢老公，象徵住「父親將照顧女兒嘅責任正式託付俾新郎」，當咗女人係無自主能力、需要被照顧嘅人，原意上就係 degrading，當然大多數人都唔會再咁諗，但儀式存在本身就係帶有呢種含義。我地可以反思吓，點解有時就算個爸爸唔喺度，都要格硬搵個男性親屬拖新娘，而唔係由媽媽拖住新娘？點解唔係新郎老母拖住新郎入場交俾新娘？男人做會好突兀但點解改返性別就冇咁突兀？

然後係條濕鳩婚紗裙。撇開白色婚紗係純潔貞操嘅象徵唔講住先，我想將個焦點擺喺個修身、不方便行動、露gap裙，喺一個咁端莊場合，我完全諗唔到點解有必要設計到咁，當然如果新娘鍾意就好。