eYiWuYe粵拼魔改

若果根據現存最古老的粵語韻書《分韻撮要》記載嘅話，清朝早期粵語有33個韻部；但係再根據江雪奇2025年發表論文，研究瑞典🇸🇪自然學家Osbeck日記用拉丁字母記載乾隆年代粵語發音，加埋後世粵語音韻系統資料互相參照，乾隆年代廣東省城話實際上應該係有34個相同音位嘅漢字音韻部就真。

利用日本語【假名】表達中華民國【老國音】（1922年）嘅方案，同時亦可以轉用喺【新國音】（1932年）、【普通話】或者其他類似方言。

中古漢語（唐朝文言文）嘅假名表記方案，主要依據現代歷史音韻學研究，同埋高本漢（Bernhard Karlgren）、王力等人所重建，針對《切韻》（601年）、《廣韻》（1008年）之類韻書所記載嘅音韻體系，進行近似音嘅假名標記。

Cantonese原本係指「廣州城（Canton）」範圍啲人講嘅「省城話」，正如粵語另一分支嘅台山話會叫做Taishanese。況且因為廣東省東部其實主要係講客家話多過粵語，當客家人移居到四川/臺灣之後會被視為「廣東人」，令到當地所謂「廣東話」可能係指客家話而唔係粵語。為咗消除誤解，應該避免用「廣東話」形容Cantonese，改為學術界比較慣用嘅「（廣府）粵語」。

哩個方案係將廣府粵語（港澳穗等地講嘅「粵海片」）轉做日文片假名。