第二章：神秘富家女

話說當年，村裡風風火火傳開一段奇聞，主角就係阿A同佢命中注定嘅另一半——阿Ay。Ay本來唔係村中人，係半個中日混血兒，生得白白淨淨，樣貌斯文得嚟又帶點洋氣。佢出身富裕，娘家有幾分家底，加上當年識得打扮，手袋、頸鍊都閃閃生輝，唔少人第一眼見到佢都覺得佢係大戶人家千金小姐。

Ay年輕時往往係同一班當年亦可稱為富二代嘅年青男女一齊玩，有錢人就係玩得可以任性，而Ay就係和一位之後在港非常出名嘅律師有過一段情，結果一時玩大咗，未婚懷孕，生咗個生女，跟佢姓氏，就係Co。為咗避人閒言閒語，佢娘家費盡心機幫佢安排生活，但Co終究跟住Ay一齊長大，而佢兩母女一直都冇再返娘家。

話說阿A同Ay識咗，明知佢帶住個女，年紀仲係大過自己幾歲，完全冇所謂，因A見Ay身家唔簡單，以一個鄉下仔能揾到一個有錢女人，不用辛苦就有大把錢，可算是一個發達嘅大好機會，而Ay帶住個女亦都唔想再留在香港，結果A自作主張，未有問及家中老媽意見，一於鐵定和Ay結婚。

A帶Ay和女回到家，兩人走埋一齊，消息一傳出，全村譁然，而A嘅老媽梗係嬲到面都青啦，兼十萬個唔同意呢頭緍事，「大過我個仔六七年，仲帶個拖油瓶入門，仲要扮係堂妹，唔係親生女？信你就有鬼啦！」不過阿A一意孤行，話Ay識英文、娘家有錢，最重要係在生活上完全不仇錢銀，可以幫A在人生路上一大把。無論家婆點反對，最終都敵唔過A嘅決心。

婚後冇幾耐，阿A真係帶住Ay同Co定居英國，住上有倫敦呢個地方已來，都是一級富人區，過上富人生活。雖然搬咗去異地，但村入面一直有人說三道四，傳到飛起。有啲人話Ay係「神秘富家女」，因為佢入門時成身貴氣，身上手上都帶着明貴嘅珠宝玉石添，據聞全部都係佢外家比佢嘅。有一次佢仲送過一條紅寶石頸鍊俾「我」，話係小小心意嘅見面禮，我真係受寵若驚。村裡啲八卦婆仔更加講到神乎其神，話呢條頸鍊市值幾十萬，真真假假冇人敢問，只知Ay確實唔似普通人家女兒。

話說回來，當年佢哋未去英國前，婚後日子未必如外人想像咁風光。阿A雖然有樓有田，但一向孤寒，花錢斤斤計較，村中所有人都知，只是不作聲。Ay做人做事就大方得體很多，為了要和家婆關係不那麼緊急，在婆家時事事做得周到，家務沒有少做一件。但家婆一直對Ay有隔閡，覺得呢段婚姻唔光彩，每次見面都陰陽怪氣，兩婆媳關係極差，而Ay亦沒有為A家生一兒半女，這也令Ay家婆更加討厭Ay。

更尷尬嘅係輩份問題。照道理，Co係Ay同某律師生嘅女，本應叫Ay做阿媽，叫A做阿爸或其它，但Ay一定要Co叫A嘅英文名，不要叫Ay做媽，強行一定要Co叫佢英文名字Ay，在外跟所有人說佢哋係堂姐妹，絕對不能提及母女關係。仲強迫Co將來嘅仔女要叫佢做嫲嫲，唔準叫外婆，叫A做伯伯，唔係外公。硬係要將一段亂七八糟嘅關係「合理化」，成日逼到大家，連我都唔知應該點叫人，氣氛幾度僵硬，人人尷尬。

就係呢啲錯綜複雜嘅背景，令Ay喺村入面成為一個「神秘富家女」傳說人物。有人話佢叻，識揀路走；有人話佢命好，帶住個女都嫁得出去；亦有人暗暗覺得，呢段婚姻背後，係一場各取所需嘅交易。

多年後，Ay病重，生前已交代遺願，要死後回到村裡土葬，想同A歸根認祖，留個名份喺老家。就算外人唔明白，佢仍堅持咁做。直到2022年底，Ay走咗，回村下葬，村裡人再次議論紛紛，關於佢嘅故事，關於當年嘅秘密，都好似從未停過……