原本冇乜期待，結果桂林比我想像中好玩太多！

講真，出發去桂林之前，我係半推半就嗰種心態。一方面覺得應該去一次，另一方面又驚會唔會好悶、好老派，行程又會唔會好趕。結果呢一轉桂林深度遊，真係令我完全改觀。我係前段時間參加咗一個深度遊桂林旅行團，3 日走嘅點都算多，但節奏比我預期中舒服得多，而且好多位係如果自己 plan，其實未必會揀、但去到反而覺得好值得。

Day 1：由高鐵落車嗰一刻開始，已經有「慢落嚟」嘅感覺

一早由香港西九龍坐高鐵去桂林西，其實比我想像中輕鬆

最驚嘅係長途車會攰，但實際上一路坐、一路瞓吓覺，好快就到

象鼻山景區：真係唔係「影一張相就算」

以前喺相度睇象鼻山，我老實講冇乜感覺

但真係行到漓江邊，企喺嗰度望，先明點解佢會成為桂林地標

水好靜，山影倒映喺江面，我仲記得當時個腦突然好空，好似個人被迫慢落嚟咁

我哋冇急住影完相就走，而係沿住江邊行一陣，呢段時間其實幾加分

榕湖、杉湖新景＋日月雙塔（外觀）

呢個位我幾鍾意，因為佢唔係「大景點」，反而有種城市入面嘅寧靜感

特別係黃昏加夜晚，燈一著，氣氛真係唔錯

我仲記得嗰陣同團友邊行邊傾計

唔知點解，第一日已經開始有種好舒服嘅安心感

正陽步行街：第一晚就交代晒食同行

第一晚安排行正陽步行街，其實我覺得旅行社安排得幾聰明

啱啱到埗，大家都攰，呢度食嘢選擇多，又唔洗自己搵

我自己試咗啲小食，唔係話驚為天人，但勝在方便同有氣氛

當晚行完返酒店，我已經覺得： 「嗯，呢個團節奏好似ok喎。」

Day 2：真正明白點解咁多人話桂林啱慢慢玩

大瀑江風光：全程最治癒嘅一段

第二日嘅重頭戲係大瀑江

原本我以為會悶，結果完全相反

坐船沿江行，兩邊全部都係你喺相簿見過、但現場睇震撼十倍嘅山

重點係：唔洗行、唔洗曬、唔洗逼

我當時真係全程放空，手機影完相之後，索性放低，純粹睇風景

如果你平時生活節奏好快，我會話呢 3.5–4 個鐘係值得留畀自己嘅

銀子岩：入去之前冇期待，出嚟覺得值

溶洞我去過唔少，所以一開始冇乜期待

但銀子岩比我想像中舒服：

• 冇焗促感

• 動線清楚

• 燈光唔土

行到後段我仲同團友講：「呢個洞算係我去過幾好睇嗰啲。」

西街：夜晚放鬆位

第二晚去西街，氣氛同正陽步行街好唔同

多啲酒吧、多啲夜生活，但又未去到好亂

我哋幾個女生仲坐低飲咗杯嘢，呢一刻我先真正有「喺度旅行」嘅感覺~

Day 3：遇龍河令我決定，如果再嚟桂林，一定要再坐一次

遇龍河多人竹筏漂流｜真・少女心爆發

如果要我揀全程最鍾意嘅一個行程，一定係遇龍河竹筏

水清、山近、節奏慢，坐喺度乜都唔洗做

我仲記得當時心諗：「如果可以停留耐啲就好。」

唯一後悔係防曬做得唔夠（女生真心提醒）。

十畫廊＋世外桃源：唔嘈唔逼，反而好舒服

呢兩個點唔係超震撼型，但勝在舒服、好行、好影

尤其世外桃源，真係有種「避開城市」嘅感覺

劉三姐大觀園＋歌舞表演｜比預期好

老實講，入去之前我以為會好老套

但實際睇完覺得：當文化體驗，其實幾ok

服裝靚、氣氛有，而且唔會拖太長

我對呢個桂林團嘅真實評價

如果你問我值唔值得，我會話：
✔ 行程安排算合理
✔ 唔會逼到爆
✔ 景點有深有淺
✔ 適合怕麻煩、想輕鬆玩嘅人

我之前去東莞玩，都是在深度遊旅行社報名嘅東莞旅行團

今次再參加佢哋安排嘅團，感覺都係一樣：清楚、唔混亂、有人跟，對我嚟講好重要。

最後真心一句

桂林唔係嗰種刺激到尖叫嘅旅行，但如果你想要一段靚景＋慢活＋唔用腦嘅假期，佢真係好適合。