權力遊戲

（1）曖昧令人心跳加速

（2）飲奶茶令人心跳加速

所以，飲奶茶算唔算係一個曖昧嘅行為？定係同曖昧對象出街最好飲奶茶？

傅柯指出權力唔一定係赤裸裸嘅暴力，或者比槍指住嗰種威脅。既然語言影響/限制/決定我哋點樣思考同理解呢個世界，掌握語言就係權力。

曖昧即係畫公仔唔可以畫出腸，留返啲若有若無嘅想像空間。有朋友關注環保、氣候議題，諗到買嘢都有得曖昧：賣廣告就係想你衝動消費，所以每一次慢落黎諗真啲，就係喺商家手上撬返絲亳自主權返嚟。

講經咩。As if proving the point, 難免有根深柢固嘅諗法，覺得呢啲只不過係文字遊戲。

如果要反駁呢個反駁，大概會話控制大家集體意識嘅資本主義邏輯就係想你咁諗。當有新觀點挑戰既定世界觀，多數人寧願當聽唔到，咁就解決咗認知失調，唔需要面對自己可能係個傻仔。

呢兩個立場嘅張力、鬥爭，又係好曖昧。

冇，其實我都係飲咗奶茶瞓唔着，所以又身痕玩七日書 :P