異鄉人

而我，我好像兩手空空。但是我對我自己有把握，對一切都有把握，比他有把握，對我的生命和那即將到來的死亡有把握。

早幾日見到呢個 Threads：

如周保松先生曾說的那樣：「活在今天的香港，最最吃力的，是硬生生在自己的家被捶成異鄉人，而你實在不甘心。如此河山如此人，如何能捨。」

機緣巧合之下，重溫某個平行時空嘅一幕：

我曾以某種方式生活過，我也可能以另一種方式生活。我做過這件事，沒有做過那件事。我幹了某一件事而沒有幹另一件事。而以後呢？

呢幾年難免對好多嘢都覺得陌生。

香港「由治及興」講到口臭，但係仲有更多嘅陌生。身邊見慣見熟嘅朋友移民，十幾年前移民嘅親戚又回流。到自己離鄉別井，發現原來「異鄉人」唔止係一個比喻嘅時候，好似又有唔同嘅份量。又例如曾經道貌岸然嘅學者，都有一日要喺神壇上面落黎。

未來的生活並不比我已往的生活更真實。他人的死，對母親的愛，與我何干？

近排最深嘅感悟係，曾經覺得永恆嘅黃金年代，從來都係一剎嘅美好。

呢刻嘅我同記憶中嘅屋企近在眼前，但又遠在天邊。