乾隆年代粵語有34個韻部

本文提出「34個韻部」嘅主要分別在於以下幾點。透過研究「Osbeck日記」結果反映，《分韻撮要》將【孤】、【豪】兩個唔同韻部撈亂咗當成相同，又因為「文白異讀」觀念保守而將【升】、【鄭】韻當咗係相同韻部，重新分拆返出嚟就加多咗2個韻部；另外【吾】韻應該只係韻部【孤】配上聲母【牛】而變化出嚟嘅條件異音（【唔】韻只係韻部【孤】嘅口語變化），仲有【師】韻只係韻部【止】配上「齒頭音（聲母【精】、【清】、【心】）」嘅條件異音，假如唔係追求狹義詩歌押韻嘅話，重新合拼返就減少咗2個相同音位嘅韻部；最後【靴】韻應該唔屬於其他韻部而要獨立列出，但係《分韻撮要》無收錄到【靴】字而少咗1個韻部，重新補充返就係總共34個相同音位嘅漢字音韻部。

用圖表總結返乾隆年代廣東省城話嗰34個相同音位嘅漢字音韻部，並且透過IPA（國際音標）模擬返佢哋點樣由中古漢語演變過來。韻尾p、t、k當係陽聲韻（韻尾m、n、ŋ）嘅入聲版本而合併成相同韻部，中、低舌元音有3種分別係ə、a、ɑ，借用普通話【四呼】概念將34個韻部分別歸類為「開合齊撮」4類同埋3種相對應嘅高舌元音u、i、y，最後剩返韻部【用】嘅主元音就補返ʊ上去。

Google試算表「粵語音位：乾隆34韻」條link

參考、鳴謝：【嶺南粵音】、香港中文大學【中國文化研究所】吳多泰中國語文研究中心《中國語文通訊》等等